Командалар кездесуге мына құрамдармен шықты: «Елімай» сапында Коновалов, Танасиевич, Габриэль, Миттендорфер, Москера, Түлүбай, Илич, Бахтияров, Плакка, Пайруз, Мурильо алаңға шықса, «Ертістің» бастапқы он бірлігінде Сарнавский, Каримов, Сламбеков, Мбоджи, Малиқайдар, Есімбеков, Сұлтаниязов, Опэ, Рамос, Фалайе, По болды.

Матчта бастаманы көбірек «Елімай» ұстады: семейліктер Богдан Сарнавский тұрған қақпаға бірнеше рет қауіпті шабуыл ұйымдастырды. Дегенмен бірінші таймда есеп ашылған жоқ.

Екінші кезеңнің ортасына қарай алаң иелері дегеніне жетті. 73-минутта Иван Свиридов баспен дәл соғып, «Елімайды» алға шығарды. Бірақ көп ұзамай павлодарлықтар есепті теңестірді: 77-минутта Май Миттендорфер допты өз қақпасына бағыттап алды - автогол. 80-минутта Ақмаль Бахтияров семейлік клубты қайтадан алға шығарды, ал қосымша уақытта, 90+2-минутта Мирас Оматай үшінші голды соғып, матчтың нүктесін қойды - 3:1.

Ойынның 82-минутында «Ертіс» ойыншысы Мбоджи қызыл қағаз алып, алаңнан қуылды.

Осы нәтижеден кейін «Елімай» 31 ұпайға жетіп, турнир кестесінде көшбасшылар тобының қатарында қалды. Ал «Ертіс» 17 ұпаймен түсіп қалу аймағынан шыға алмады.

«Елімай» - «Ертіс» 3:1 (0:0)
Голдар: Свиридов 73 (1:0), Миттендорфер (автогол) 77 (1:1), Бахтияров 80 (2:1), Оматай 90+2 (3:1)
Алаңнан қуылу: Мбоджи 82.

Пікірлер (0)

Пікірлер (0)