Оның айтуынша, Тухельдің «Челсидегі» жұмысы мен клуб үшін атқарған істері өзіне қатты ұнаған, әрі ол неміс маманын «керемет бапкер» санайды.

Соған қарамастан, Коул Англия құрамасын шетелдік, нақтырақ айтқанда неміс бапкердің жаттықтырып жүргені көңіліне қонбайтынын жеткізді.

«Маған Томас Тухельдің «Челсидегі» бапкерлік жұмысы да, клуб үшін істегені де қатты ұнайтын. Оны керемет маман деп санаймын. Бірақ Англия құрамасын неміс бапкер жаттықтырып жүргені деген ой маза бермей қойды.

Біз - Англия ғой, солай емес пе? Меніңше, Англия құрамасының тізгінін ағылшын маманы ұстауы керек. Қайткенде де соған ұмтылғанымыз дұрыс сияқты. Кейбір шағын футбол елдері үшін дамуына көмектессін деп шетелдік маманды шақыру - қалыпты нәрсе шығар», - деді Коул «The Rest Is Football» подкастында.

Англия құрамасы 2026 жылғы әлем чемпионатының жартылай финалында Аргентинадан 1:2 есебімен жеңілді. Енді турнир финалында Аргентина Испаниямен кездеседі, ал Англия қола медаль үшін Францияға қарсы ойнайды.

Пікірлер (0)

Пікірлер (0)