Алматының «Қайрат» футбол клубының баспасөз қызметі 16 жасар дарынды шабуылшы Дастан Сәтбаевтың команда сапындағы қоштасу матчы өтетінін ресми түрде жариялады. Сәрсенбі, 17 маусым күні Алматының Орталық стадионында Қазақстан Премьер-лигасының 17-ші турынан кейінге шегерілген «Қайрат» — «Қызылжар» кездесуі өтеді.

Клуб өз мәлімдемесінде жанкүйерлерді жас талантты қолдап, шығарып салуға шақырды:

«Дастан Сәтбаевтың „Қайрат“ сапындағы қоштасу матчы — ертең! Бұл біздің түлекті сары-қара түсті жейдеде көрудің және оны мансабының жаңа кезеңіне шығарып салудың соңғы мүмкіндігі».

Осы ойынның алдында алматылықтар 14 матчтан кейін 27 ұпаймен көшбасшылар қатарында болса, петропавловтық «Қызылжардың» еншісінде 13 кездесуден соң 15 ұпай бар.

Еске сала кетейік, Сәтбаев ресми түрде 18 жасқа толғаннан кейін, яғни ағымдағы жылдың 12 тамызында лондондық «Челси» клубының құрамына қосылады. Бұл трансфер отандық футбол тарихындағы ең ірі ауысулардың бірі ретінде тіркелді.

Пікірлер (0)

Пікірлер (0)