Әлібеков шетелдік тәжірибені мысалға келтіріп, «Атлетико» стадион шығынын ақтау үшін жылына 22 концерт өткізетінін айтты. Ол стадионның өзін-өзі ақтауы керек екенін атап өтті.

«Бұл - клубтың табыс табу тәсілі. Сөйтсем, «Атлетико» стадион шығынын ақтау үшін жылына 22 концерт өткізеді екен. Стадион өзін-өзі ақтауы керек, бұл - қалыпты тәжірибе», - деді Әлібеков.

Бұған дейін «Қайрат» 14 тамызға жоспарланған америкалық рэпер Канье Уэстің концертіне байланысты Алматыдағы Орталық стадионда өтуі тиіс Болгарияның «Левскиіне» қарсы Чемпиондар лигасының үшінші іріктеу кезеңіндегі қарымта ойынын «Түркістан Аренаға» ауыстыруға мәжбүр болды. Сонымен қатар алматылық клуб ҚПЛ-дегі ішкі матчтарының кестесін қайта қараған еді.

«Қайрат» басшылығы бұл жағдайға наразылық білдіргенімен, қала билігі мен ұйымдастырушылар концерт күнін өзгертпей қалдырды. Соның салдарынан клуб ойын өтетін орынды ауыстыруға УЕФА-дан шұғыл түрде келісім алуға мәжбүр болды.

Түркістандағы бейтарап алаңдағы матч қазақстандықтар үшін сәтсіз аяқталды: «Қайрат» «Левскиден» 0:1 есебімен жеңіліп, Чемпиондар лигасымен қош айтысты.

Пікірлер (0)

Пікірлер (0)