Мәліметке қарағанда, жаңа бас бапкер Энцо Мареска жұлдыз ойыншыны сатуға қарсы емес. «Галатасарай» Фоденді жалға алуды қарастырып, келісімге міндетті емес сатып алу тармағын қосуды көздейді.

Сары-қызылдар «Манчестер Сити» клубын көндіру үшін қажет болса, шартқа байланысты опция енгізуді де жоспарлап отыр. Осы ұсыныстың көлемі 40-50 миллион еуроға дейін жетуі мүмкін екені айтылды. Келіссөздерге агент Джордж Гарди тікелей араласатыны көрсетілді.

Фоденге қызығушылық танытып отырған клубтардың қатарында Италияның «Милан» командасы да бар. Леаумен қоштасу туралы шешім қабылдаған миландықтар да ағылшын футболшысын өз қатарына қосуды ойластырып отыр.

26 жастағы ойыншы дриблингтегі шеберлігімен және соққыларымен алғы шепте қауіпті күшейтетін футболшы ретінде сипатталады. Қазірге дейін «Манчестер Сити» клубына Фоден бойынша нақты ұсыныс түспегені белгілі болды, ал ең байыпты үміткерлер ретінде «Милан» мен «Галатасарай» аталып отыр.

Өткен маусымда Фоден ағылшын клубы сапында 50 ресми матчқа қатысып, 10 гол соғып, 7 нәтижелі пас берді. Ол маусым бойы жарақатына байланысты небәрі екі ойынды ғана өткізіп алған.

Фоденнің «Манчестер Ситимен» келісімшартының аяқталуына 1 жыл қалды. Клуб ойыншыдан қаржы түсіргісі келетіндіктен, осы маусымда оны сатуға бейіл екені жазылды.

Егер Фоденді жалға беру нұсқасы қарастырылса, «Манчестер Сити» алдымен келісімшартын ұзартып, содан кейін ғана жіберуді жоспарлайды. Дегенмен клубтың негізгі таңдауы - футболшыны бірден толық трансфер арқылы сату.

Пікірлер (0)

Пікірлер (0)