Бұл ойын Хаби Алонсо баптайтын команданың өз алаңындағы алғашқы кездесуі болмақ. Сонымен бірге, дәл осы матчта Дастан Сәтпаевтың өз жанкүйерлері алдында дебют жасауына мүмкіндік тууы ықтимал.

Андрей Канчельскис мұндай ойындардың бас бапкер үшін ерекше мәні барын атап өтті.

«Хаби Алонсо үшін бұл өте маңызды ойын. Бұл - оның өз стадионының атмосферасында футболшыларды алғаш рет көріп, бағамдайтын алғашқы үйдегі матч. Дәл осындай кездесулерде бапкер қорытынды жасап, маусым барысында кімге сенім артуға болатынын түсінеді», - деді Канчельскис.

Экс-футболшының айтуынша, Сәтпаевтың өзін жақсы қырынан көрсетіп, негізгі командаға жақындауына мүмкіндік бар.

«Дастанның «Челсидің» негізгі тобына енуге мүмкіндігі бар. Әрине, алдағы жылдары мұндай клубтың негізгі құрамындағы орын үшін таласу өте қиын болады. Бірақ тұрақты түрде матчқа өтінімге еніп, «Челсидің» қосалқы құрамында отырудың өзі - жас футболшы үшін өте жоғары деңгей әрі орасан тәжірибе», - деді сарапшы.

Канчельскис қазақстандық ойыншы үшін басты міндет - бапкерлер штабы беретін әр шансқа дайын болып, оны тиімді пайдалану екенін жеткізді.

«Бәрі тек өзіне байланысты. Егер еңбек етіп, шыдап, берілген мүмкіндіктерін дұрыс қолданса, біртіндеп негізгі құрамға жақындай алады. Мұндай шанс қолдан сусып кетпеуі керек», - деп қосты маман.

Еске салайық, Дастан Сәтпаев «Челсиге» алматылық «Қайраттан» ауысып, қазірдің өзінде лондондық клубтың негізгі командасымен бірге маусым алдындағы дайындықтан өтіп жатыр.

Пікірлер (0)

Пікірлер (0)