Белгілі инсайдер Бен Джейкобстың мәліметінше, испаниялық маман Португалия футбол федерациясымен ағымдағы әлем чемпионатының соңына дейін жасалған келісімшарт мерзімін ұзартпауға бекінген.

Бапкер халықаралық деңгейдегі мансабын аяқтап, клубтық футболға, оның ішінде өзіне жақсы таныс ағылшын Премьер-лигасына (АПЛ) қайта оралуды жоспарлап отыр. Дегенмен, оның өзге елдің ұлттық құрамасын басқару нұсқасын да толықтай жоққа шығармайтыны айтылуда.

Роберто Мартинес бұған дейін Англияда «Суонси Сити», «Уиган Атлетик» және «Эвертон» клубтарында жемісті жұмыс істеген, сондай-ақ Бельгия ұлттық құрамасын жаттықтырып, әлем чемпионатының қола жүлдегері атанған болатын.

Еске сала кетейік, 2026 жылғы әлем чемпионаты маусымның 11-і мен шілденің 19-ы аралығында АҚШ, Канада және Мексика стадиондарында өтіп жатыр. Дүниежүзілік доданың қазіргі чемпионы — Аргентина құрамасы. Олар ЧМ-2022 финалында Франциямен негізгі уақытта 3:3 есебімен тең түсіп, пенальти сериясында 4:2 есебімен басым түскен еді.

Пікірлер (0)

Пікірлер (0)