«ESPN» клубтық футболдағы 30 үздік бапкердің тізімін ұсынды. Рейтингті жасау кезінде үміткерлер алты тармақ бойынша бағаланды: бапкерлік түйсік (маманның матчқа дайындық кезінде және ойын барысында өз қағидаттарын қалай қолданатыны), стиль (команданың қаншалықты тартымды ойнайтыны және қарсыласқа өзінің ойын өрнегін таңңа білуі), құрамды басқару (мотивация мен барынша нәтиже шығару қабілеті), коммуникация (басшылық пен ойыншыларды жобаға сендіре білу, сондай-ақ БАҚ және жанкүйерлермен тіл табысу), жетістіктер (үлкен жүлделер, класта жоғарылау, төменгі лигаға түсіп кетуден аман алып қалу және басқа да нәтижелер) және «Х факторы» - таңғалдыру мен жаңа идеялар ұсына білу қабілеті.

Рейтингке негізгі команданың бас бапкері болып кемінде бір маусым жұмыс істеген мамандар ғана енгізілді. Биыл бір жыл немесе одан да көп уақыт жұмыссыз отырған бапкерлер бұл тізімге кірмей қалды.

Бірінші орынды «ПСЖ» бапкері Луис Энрике иеленді. Одан кейінгі орындарда Пеп Гвардиола (қазір жұмыссыз, бұған дейін «Манчестер Сити») мен Микель Артета («Арсенал») келеді. Үздік бес қатарға Ханс-Дитер Флик («Барселона») мен Унаи Эмери де («Астон Вилла») енді.

Рейтингтің үздік жиырмалығы мынадай:

Луис Энрике («ПСЖ»);
Пеп Гвардиола (жұмыссыз, бұған дейін «Манчестер Сити»);
Микель Артета («Арсенал»);
Ханс-Дитер Флик («Барселона»);
Унаи Эмери («Астон Вилла»);
Джан Пьеро Гасперини («Рома»);
Хаби Алонсо («Челси»);
Арне Слот (жұмыссыз, бұған дейін «Ливерпуль»);
Венсан Компани («Бавария»);
Кристиан Киву («Интер»);
Оливер Гласнер («Ноттингем Форест»);
Андони Ираола («Ливерпуль»);
Антонио Конте (жұмыссыз, бұған дейін «Наполи»);
Энцо Мареска («Манчестер Сити»);
Франсеск Фабрегас («Комо»);
Фабиан Хюрцелер («Брайтон»);
Эрнесто Вальверде (жұмыссыз, бұған дейін «Атлетик»);
Диего Симеоне («Атлетико»);
Себастиан Хёнесс («Штутгарт»);
Эдди Хау (жұмыссыз, бұған дейін «Ньюкасл»).

Үздік 20-дан тыс жерде «ESPN» тағы бірнеше белгілі есімдерді атап өтті: Майкл Кэррик («Манчестер Юнайтед») 21-орынға, Жозе Моуринью («Реал») 24-орынға жайғасса, Рубен Аморим («Милан») рейтингті 30-орынмен түйіндеді.

Пікірлер (0)

Пікірлер (0)