«Жетісу» ҚПЛ-дің 18-туры аясындағы «Оқжетпеспен» (0:2) өткен матчтан кейін болған оқиғаға қатысты түсініктеме берді.

Клуб мәліметінше, әлеуметтік желілерде тараған «қирату болды» деген ақпарат шындыққа сәйкес келмейді. «Жетісу» өкілдерінің айтуынша, видеодағы есіктердің бірі команда стадионға келмей тұрып-ақ бүлінген, ал екінші есікті матч аяқталғаннан кейін эмоцияға берілген ойыншылардың бірі зақымдаған.

Клуб тәртіп бұзған футболшыға қатаң ішкі тәртіптік жаза қолданылғанын хабарлады.

Сонымен қатар «Жетісу» басшылығы «Оқжетпес» клубымен байланысып, бүлінген есіктің шығынын өтеуге келіскен. Клубтың айтуынша, тараптар мәселені толық шешіп, қабылдаушы жақтың ешқандай шағымы жоқ.

Кездесу «Оқжетпестің» 2:0 есебімен жеңісімен аяқталды. Алаң иелері сапында Дмитрий Бородин мен Тоқтар Жаңғылышбай гол соқты. Ал «Жетісу» 75-минуттан бастап Марко Живанович алаңнан қуылғаннан кейін он ойыншымен ойнады.

Пікірлер (0)

Пікірлер (0)