Ол халықаралық мансабын аяқтауы мүмкін деген әңгімелерге қарамастан, 40 жастағы хавбекті алдағы оқу-жаттығу жиындарына шақыру жоспары барын жеткізді.

«Модричтің ұлттық құрамада ойнауын жалғастырғанын қалар едім», - деп Биличтің сөзін «AS» келтіреді.

Бұған дейін БАҚ-та Лука Модрич 2026 жылғы әлем чемпионатынан кейін құрамадағы мансабын аяқтауы мүмкін деген ақпарат бірнеше рет тараған. Дегенмен Биличтің келуі жағдайға әсер еткендей: жаңа бапкер 2018 жылғы «Алтын доп» иегерін команданың маңызды бөлшегі санайтынын және алдағы турнирлерде оның тәжірибесіне сүйенетінін ашық айтты.

Славен Биличтің Хорватия құрамасының бас бапкері болып тағайындалғанын бұған дейін Хорватия футбол федерациясы ресми түрде хабарлаған.

Модричтің болашағына қатысты белгісіздік клуб деңгейінде де сақталып отыр. Маусым айында оның италиялық «Миланмен» келісімшартының мерзімі аяқталған, бірақ «россонерилер» басшылығы тәжірибелі жартылай қорғаушымен жаңа келісімге қол қойылғанын әлі жариялаған жоқ.

Сонымен қатар бұған дейін Модрич 2026 жылғы әлем чемпионатынан кейін Чемпиондар лигасының 7 дүркін жеңімпазымен келісімшартқа келіскені де айтылған.

Пікірлер (0)

Пікірлер (0)