«Қайрат» ФК бақылау кеңесінің төрағасы Нұрсұлтан Құрманның YouTube-арнасына берген сұхбатында Премьер-лиганың 13-ші турында орын алған голмен аяқталған эпизодқа баға берді. Оның айтуынша, мұндай жағдайлар халықаралық деңгейде де жиі кездеседі және оған тек бір ойыншыны кінәлауға болмайды.

Клуб жетекшісі ұжымдық жауапкершілік принципін алға тартты:

«Анарбековтің қателігіне келетін болсақ, Дастанның да «Копенгаген» қақпасына ұқсас гол соққанын еске түсіруге болады. Бұл — футболда жиі кездесетін жағдай, кәдімгі қателік. Алайда менің ұстанымым мынадай: команда жеңіске жетсе — бәрі бірге жеңеді, жеңілсе — бәрі бірге жеңіледі. Иә, бұл қателік, бірақ ол футболдың ажырамас бөлігі».

Боранбаев ұжым ішінде қақпашыға ешқандай психологиялық қысым жасалмайтынын және бұл жағдайдан бүкіл команда сабақ алуы тиіс екенін жеткізді:

«Біз футболды командалық ойын деп есептейміз, сондықтан Анарбековті кінәламаймыз. Бұл — ортақ, кешенді қателік. Онда тұрған ештеңе жоқ, болып тұрады. Ең бастысы, Анарбеков те, команда да бұл психологиялық сынақтан өтуі керек. Әрине, бұл жағдайдың бізге жағымсыз болғанын жасырмаймын. Бұған қарамастан, жігіттердің ойынды әрі қарай жоғары деңгейде жалғастырғаны және жасалған ауыстырулардың ойын сапасын арттырғаны көңілден шықты».

13 маусымда өткен матчтың 69-шы минутында алматылықтар 1:0 есебімен алда тұрған еді. Қақпашы Темірлан Анарбеков өз айып алаңында допты шығаруға кешігіп, қарсыластың прессингіне тап болды. Оның сәтсіз пасынан кейін «Атыраудың» жартылай қорғаушысы Айбар Абдулла допты ашық қақпаға бағыттап, есепті теңестірді

Пікірлер (0)

Пікірлер (0)