Алаң иелері үзіліске дейін-ақ негіз қалап үлгерді: 4-минутта есепті Сергей Малый ашса, 38-минутта Берн Йонсен шымкенттіктердің басымдығын еселеді.

Үзілістен кейін қонақтар есеп айырмасын қысқарта алды — 68-минутта Дадаев көзге түсті. Бірақ «Ордабасы» интриганы жібермеді: 86-минутта Йонсен пенальтиді сәтті орындап, матчтағы нүктені қойды.

Қажымұқан атындағы Орталық стадионда өткен кездесуге Тараздан келген Сәкен Байымбетов бастаған төрешілер бригадасы қызмет көрсетті.

Командалардың бастапқы құрамдары:

«Ордабасы»: Шайзада, Амир, Килама, Малый, Астанов С., Аманович, Капацина, Абагна, Астанов Э., Йонсен, Натель Виера;

«Алтай»: Алиакбар, Кенжегулов, Одеоибо, Мичевич, Шмидт, Дадаев, Ямбор, Кукеев, Кан, Додев, Митрофанов.

Бұл жеңістен кейін «Ордабасы» 52 ұпайға жетті — Шымкент командасы екінші орында келе жатқан «Қайраттан» екі ұпайға озып тұр. 19 ұпайы бар «Алтай» аутсайдерлер қатарында қалып отыр.

Пікірлер (0)

Пікірлер (0)