Оның айтуынша, қазір команда үшін қиын кезең өтіп жатыр. Дегенмен клуб басшылығы мен қызметкерлері қалыптасқан жағдайды реттеу үшін бар күшін салып жатқанын жеткізді.

«Қазір "Тараз" футбол клубы үшін оңай кезең емес. Мен де, клубтың барлық қызметкері де қалыптасқан жағдайды түзету үшін бар күшімізді салып жатырмыз. Жақын арада барлық мәселе шешімін тауып, қайтадан жеңіс жолына түсеміз деп сенемін. Жанкүйерлерімізді жақсы нәтижелермен қуанту үшін жүйелі жұмыс жүргізіліп жатыр», – деді Сыдықбек.

Сондай-ақ ол клубтың тұрақты дамуын қамтамасыз ету үшін қажетті шаралар қабылданып жатқанын айтып, жанкүйерлерге қолдауы үшін алғыс білдірді.

Айта кетейік, бұған дейін БАҚ-та Дидар Сыдықбектің қызметінен кеткені және «Тараздың» облыс әкімдігінің басқаруына өтетіні туралы ақпарат тараған болатын.

Қазір Бірінші лиганың 13 турында «Тараз» 16 ұпаймен турнир кестесінің 9-орнында келеді. Команда соңғы бес матчтың барлығында жеңіліс тапты.

Пікірлер (0)

Пікірлер (0)