Нидерландтық футболшы Манчестерде бір-ақ маусым өткізді. Өткен жазда «Сити» оны «Миланнан» 46,5 млн фунтқа сатып алғанымен, командада тұрақты орын алып, әлеуетін толық аша алмады.

Бұл аралықта Рейндерс барлық турнирде 50 матчқа қатысып, жеті гол соқты. Пеп Гвардиоланың клубтағы соңғы маусымында жартылай қорғаушы командаға Англия Кубогы мен Англия лига кубогын ұтып алуға көмектесті.

2026 жылғы Әлем чемпионатында ол Нидерланд құрамасы сапында топтық кезеңдегі барлық үш кездесуде де негізгі құрамда алаңға шықты, бірақ Мароккоға қарсы команда жеңілген 1/16 финалда алаңға мүлдем шықпай, қосалқы құрамда қалды.

«Ситидің» жаңа бас бапкері Энцо Мареска Рейндерсті жексенбідегі Англия Суперкубогы матчына өтінімге қоспады, бұл бәсекеде манчестерліктер жанкүйерлерін ренжітіп, «Арсеналдан» 0:3 есебімен ойсырай жеңілді.

Ақпаратқа сәйкес, ойыншы «Аль-Кадсиямен» бес жылдық келісімшартқа отырды. Сауд клубын «Ливерпуль» мен «Селтиктің» бұрынғы бас бапкері Брендан Роджерс басқарады.

Рейндерс осы жазда «Ситиден» кеткен жалғыз жартылай қорғаушы емес. Бұған дейін Родри 65 млн фунтқа «Барселонаға» ауысса, Бернарду Силва келісімшарт мерзімі аяқталған соң эркін агент ретінде «Реал Мадридке» ауысты.

Сондай-ақ «Ньюкаслдың» испаниялық Нико Гонсалеске қызығушылық танытып отырғаны, ал «Ситидің» «Лилльмен» марокколық хавбек Айюб Буадди бойынша белсенді келіссөз жүргізіп жатқаны және «Челсиден» Энцо Фернандесті сатып алудан әлі де үміт үзбегені хабарланды.

Пікірлер (0)

Пікірлер (0)