29 жастағы футболшы ай сайын Салоникидегі Испания консулдығына барып белгіленіп тұруға міндетті. Егер бұл талаптарды бұзса, оған қатысты еуропалық қамауға алу ордері шығарылуы мүмкін.

Өткен айда Мир 2024 жылдың тамызында жас қызды зорлап, оған шабуыл жасағаны үшін сегіз жарым жылға бас бостандығынан айырылды. Алайда футболшы қатынас өзара келісіммен болғанын айтып, сот үкіміне апелляциялық шағым түсірді.

Апелляция қаралғанға дейін шабуылшы бостандықта болады. Сондай-ақ сот оған 13 жыл бойы жәбірленушіге 500 метрден жақындауға тыйым салып, 55 мың фунт стерлингтен астам көлемде өтемақы төлеуді міндеттеді.

Айыптау үкімі шыққаннан кейін «Севилья» шабуылшымен келісімшартты бұзды. Ол соңғы екі маусымды «Валенсия» мен «Эльчеде» жалға ойнап өткізген еді.

Қазір еркін агент мәртебесіндегі Мир, мәліметтерге сәйкес, «Ариспен» келісімшартқа қол қоюға жақын. Келісімнің мерзімі мен қаржылық шарттары әзірге жарияланған жоқ.

Айта кетейік, бұған дейін Рафа Мир «Вулверхэмптонның» ойыншысы болғанымен, ағылшын клубы сапында небәрі төрт матч өткізді. Сондай-ақ ол жалға алу келісімімен «Ноттингем Форест» сапында 13 ойын өткізіп, бірде-бір гол соққан жоқ.

Пікірлер (0)

Пікірлер (0)