Лондондық клубтың басымдықтары күрт өзгергеннен кейін тараптар келіссөздерді жеделдетті. Премьер-лиганың алғашқы турында «Фулхэмге» қарсы матчта (3:2) Роберт Санчестің бірнеше өрескел қателік жіберуі қақпашы позициясын күшейту туралы шешім қабылдауға себеп болды.

«Астон Вилла» жақында Жапония құрамасының қақпашысы Сион Судзукиді «Парма» клубынан шамамен 30 миллион фунтқа сатып алғаннан кейін Мартинесті жіберуге келісті.

Мартинестен бөлек, командаға «Генктен» 17 миллион фунтқа келген Майк Пендерс те қосылуға дайындалуда. Оның дебюті Лига кубогінде «Лутон Таунға» қарсы матчта күтілуде.

Бұл трансфер «Челси» мен «Астон Вилла» арасындағы мәмілелер сериясын жалғастырады. Бұған дейін Морган Роджерс «Стэмфорд Бриджге» 117 миллион фунтқа ауысса, шабуылшы Николас Джексон Бирмингем клубына 65 миллион фунтқа ауысу алдында медициналық тексеруден өтуде.

Бұған дейін аргентиналық қақпашы Туриннің «Ювентусына» ауысуы мүмкін еді. Алайда италиялық клуб қақпашының саусағындағы жарақатына байланысты бұл трансферден бас тартып, «Тоттенхэмнен» Гульельмо Викарионы жалға алды.

Пікірлер (0)

Пікірлер (0)