Испаниялық маманның айтуынша, клубтың деңгейі өте жоғары және табысқа жетуге қажетті барлық жағдай жасалған. Енді оның негізгі міндеті – осы әлеуетті толық ашып, ойыншылар арасында ортақ көзқарас пен жеңіске деген сенімді қалыптастыру.

«Клубтың деңгейі өте жоғары. Мұнда жұмыс істеуге қажет дүниенің бәрі бар. Енді ойыншылармен жақынырақ танысып, олармен жақсы қарым-қатынас орнатқым келеді. Барлығы адамаралық байланысқа тіреледі. Егер өзіңді жақсы сезінсең, жұмысың да нәтижелі болады», – деді Алонсо.

Бас бапкердің сөзінше, ол футболшылардың мүмкіндіктерін жақсы біледі. Дегенмен енді команда ішінде ортақ идея мен мақсат қалыптастыру маңызды.

«Ойыншылардың қандай қасиеттері барын білемін. Бірақ енді бәріміз ортақ көзқарасқа келуіміз керек. Біз нақты нені көздейміз, қандай мақсатқа ұмтыламыз – ең маңыздысы осы. Мен командада дәл осы сенімді қалыптастырғым келеді. Футболшылар алда қатысатын барлық турнирде жоғары деңгейде бәсекеге түсе алатынымызға сенуі керек», – деді Алонсо.

Испаниялық маманның пікірінше, дәл осындай атмосфера ғана команданың әлеуетін толық ашып, жоғары нәтижеге жетуге мүмкіндік береді.

Пікірлер (0)

Пікірлер (0)