«Челсидің» аңызы атанған Бобби Тэмблинг 84 жасында қайтыс болды.

Шабуылшы лондондық клубтың голдар саны бойынша рекордын ұзақ уақыт уысынан шығармады: Тэмблингтің «Челси» жейдесіндегі 202 голын тек 2013 жылы ғана Фрэнк Лэмпард жаңартты. Тэмблинг жалпы «көктер» сапында 370 ойын өткізген.

Ол «Челсиге» 1965 жылы Лига кубогін жеңіп алуға көмектесті. Сондай-ақ ол «Кристал Пэлас» құрамында да өнер көрсетті. Англия құрамасында үш матч өткізіп, Франция қақпасына бір гол соқты.

Бобби «Челсидегі» алғашқы ойынын 1959 жылы 17 жасында өткізіп, дебютінде бірден голмен көзге түсті. Кейін 1967 жылғы Англия кубогі финалында алаңға шықты, алайда ол кездесуде «Челси» «Тоттенхэмге» жол берді.

Ойыншы мансабын Ирландияда аяқтаған Тэмблинг кейін бапкерлікке ауысып, «Корк Селтик» пен «Корк Сити» клубтарын жаттықтырды. Өмірінің соңына дейін Корк қаласында тұрды.

Пікірлер (0)

Пікірлер (0)