Fotomaç басылымының мәліметінше, футболшының өзі де басқа клубқа ауысу идеясына оң қарайды. Қыркүйекте Фернандеш 32 жасқа толады, сондықтан ол келесі келісімшарт өзінің карьерасындағы соңғы ірі мәміле болатынын жақсы түсінеді. Бруну үшін қосымша әрі шешуші факторлардың бірі — «Галатасарайдың» Чемпиондар лигасында өнер көрсетуі.

Жартылай қорғаушының талаптары да ауқымды: ол салықтарды шегергендегі таза жалақысы жылына 15 миллион еуро болатын үш жылдық келісімшарт сұрап отыр. Ыстанбұлдықтар бұл талаптарды орындауға дайын және төлемдердің бір бөлігін ойыншының коммерциялық әрі имидждік құқықтары есебінен жабуды жоспарлауда.

Дегенмен, Брунудың тек ақша қумайтынын уақыт көрсеткен. Кезінде ол отбасының жайлылығы мен спорттық азартты бірінші орынға қойып, Сауд Арабиясынан түскен үш жылға 200 млн еуролық қыруар ұсыныстан бас тартқан болатын. Айтпақшы, португалиялықтың «Галатасарайға» деген ықыласы бөлек: «МЮ» сапында «Рамс Паркта» ойнап, айып алаңының сыртынан әдемі гол соққаннан кейін, ол стадионның атмосферасы мен жанкүйерлер мәдениетіне тәнті болған еді. Енді түрік грандының басшылары бұл арена оның жаңа үйіне айналуы үшін қолдан келгеннің бәрін жасауда.

Пікірлер (0)

Пікірлер (0)