Пеп достары арқылы Италия құрамасының бас бапкері болуға қызығушылық танытқан. Бұдан кейін екеуі Барселонада кездесіп, бір күн бойы осы жоба туралы сөйлескен.

Мальдинидің айтуынша, Гвардиола ұсынысқа қатты қызыққан және келісім беруге аз ғана қалған. Испаниялық маман тіпті қағазға Италия құрамасының түрлі жастағы командаларына арналған ойыншылар тізімін жазып отырған.

Алайда Гвардиола соңғы сәтте бұл ұсынысты қабылдамаған. Мальдини оның шешімін Премьер-лигада өткізген ұзақ кезеңімен және денсаулығына байланысты мәселелерімен байланыстырды. Бапкер арқасына ота жасатып, демалғысы келген.

«Бұл өте маңызды әңгіме болды. Біз 17 жасқа дейінгі құрамадан бастап, барлық командалардың құрамын талқыладық», – деді Мальдини.

Айта кетейік, Мальдини мен оның кеңесшісі Леонардо Италия құрамасындағы қызметінен шілде айының соңында, тағайындалғаннан кейін 10 күн өткен соң кеткен. Кейін ұлттық құраманың бас бапкері болып Роберто Манчини тағайындалды.

Пікірлер (0)

Пікірлер (0)