«Барселона» президенті Жоан Лапорта 2026 жылғы әлем чемпионатының Испания мен Аргентина арасындағы финалы алдында өз пікірін білдірді.

Оның айтуынша, Испания құрамасында «Барселонаның» сегіз ойыншысы өнер көрсетсе, Аргентина құрамасының капитаны Лионель Месси клуб жүйесінде 20 жылдан астам уақыт өткізген.

Лапорта «Ла Масия» академиясы әлемдік деңгейдегі футболшыларды тәрбиелеуді жалғастырып жатқанын атап өтті. Ол Ламин Ямальды қазіргі және болашақтағы «Барселона» мен әлем футболының жарқын өкілі ретінде атады.

Клуб басшысы Ямаль мен Мессидің финалдағы кездесуі «Барселонаның» ойын философиясының көрінісі екенін айтып, бұл матчты «Ла Масия» мен клубтың әлем футболына қосқан үлесіне көрсетілген құрмет деп бағалады.

2026 жылғы әлем чемпионатының финалы 20 шілде күні 00:00 де АҚШ-тың Ист-Ратерфорд қаласындағы «МетЛайф» стадионында өтеді.

Пікірлер (0)

Пікірлер (0)