Алғашқы матчтағы нәтиже алматылықтардың келесі кезеңге өту мүмкіндігін айтарлықтай төмендетіп, командаға Конференциялар лигасының негізгі кезеңіне жолдама алуға мәжбүр етті.

Қарсыласудың тағдыры іс жүзінде алғашқы таймда-ақ шешілді. Қонақтар екінші минутта-ақ алға шықты. Бұған қақпашы Темірлан Анарбековтың қақпадан шығудағы қателігі себеп болып, нәтижесінде Яакко Оксанен автогол авторы атанды. 24-минутта Лукаш Амброс Мендонсаның қате пасын қағып алып, брюссельдік клубтың басымдығын еселеді.

38-минутта Александр Широбоков Даниил Сиканға қарсы тікелей фол жасап, алаңнан қуылды. Ал үзіліс алдындағы соңғы минуттарда Сикан бұрыштамадан кейінгі допты қақпаға бағыттап, есепті 3:0-ге жеткізді.

Екінші таймда «Андерлехт» есеп басымдығын пайдаланып, ойын барысын сенімді бақылауда ұстады. Алматы командасы бірнеше ауыс-түйіс жасағанына қарамастан, Колин Кусеманс қорғаған қақпаға айтарлықтай қауіп төндіре алмады.

Қарымта кездесу 27 тамызда Бельгияда өтеді.

Пікірлер (0)

Пікірлер (0)