Командалар алаңға мынадай құрамда шықты. «Жеңістің» сапында алғашқы минуттардан Плотников, Тұрсынбай, Тевзадзе, Шараванья, Сәулет, Қуат, Мартинс, Адилио, Имнадзе, Филипович және Сантана өнер көрсетті. «Қайсар» кездесуді Ковач, Совет, Букорац, Маседо, Кеңесбек, Қалдыбеков, Кабрал Эваристо, Эзекиель, Мозес, Жақсылық және Азеведомен бастады.

Алаң иелері тез арада басымдыққа ие болды: 18-минутта Жиан Мартинс есеп ашса, 25-минутта Андрия Филипович есепті еселеді. Дегенмен, 27-минутта-ақ Зураб Тевзадзе қызыл қағаз алып, «Жеңіс» он ойыншымен қалды.

Үзілістен кейін «Қайсар» ойынға қайта оралды: 69-минутта Кабрал Эваристо есеп айырмасын қысқартты. Бірақ «Жеңіс» қайтадан алшақтады - Филипович 75-минутта айып соққысынан гол соғып, есепті 3:1 етті. Соңғы сөз қонақтарда қалды: 90-минутта Рамазан Бағдат соңғы нүктені қойды - 3:2.

Астанадағы жеңіліске қарамастан, екі матчтың қорытындысы бойынша Қазақстан кубогының финалына «Қайсар» өтті - қызылордалықтарға алғашқы кездесудегі 3:1 есебіндегі жеңісі көмектесті. Турнирдің шешуші матчында «Қайсар» шымкенттік «Ордабасымен» кездеседі.

«Жеңіс» - «Қайсар» 3:2 (2:0)

Голдар: Мартинс 18 (1:0), Филипович 25 (2:0), Эваристо 69 (2:1), Филипович 75 (3:1), Бағдат 90 (3:2).

Алаңнан қуылды: Тевзадзе 27.

Бірінші матч: 1:3.

Пікірлер (0)

Пікірлер (0)